خروف العيد
ماء ماء مالك ياخروف فرحان كدة ليه؟
ماء ماء مالك ياخروف بتمأمأليه؟
انا الخروف فرحان وسعيد
ماء ماء
غنوا معايا ده بكرة العيد
ماء ماء
هيدبحونى فى عيد الاضحى
ماء ماء
ولو اكلونى يحسوا بفرحة
ماء ماء
النجار
انا النجار انا النجار
عندى العدة والمنشار
وشاكوش نازل كدة جبار
ع الخشبة يدق المسمار
اعمل تحفة اعمل كرسى
واعمل كنبة للعم مرسى
الارنب
تَ فَ تِ فِ …. تَ فَ ت ف … قرب وأسمع …. كان فى أيه ؟؟…
كان فى أرنب …. طالع يلعب …. بره البيت …. لقى بسكوته جنب الحيطة …
خدها وكلها …. بعد شوية …. قال أأأأأأأأه يا بطنى هتموتنى ….
جه الدكتور …. أدلو حقنة …. حرميأكل حاجة من الأرض 2 .
الفرخة
أنا عندى فرخة كبيرة …. بتبيض بيضتين فى اليوم …. أكلهم وأشبع بيهم
أول ما أصحى من النوم …. ماما تنادى علينا وتقول …. يلا يا حلوين ….
دى البيضة بتغذينا …. مليااااااانة بروتين .
الأشكال الهندسية
شكل وشكل …. يبقوا اثنين …. أنا مربع …. وأنت مستطيل
والدائرة حلوة وامورة …. زى قرص الشمس تمام .
الترحيب
أهلاً أهلاً …. أهلاً بيك
روضة ( ) …. بتحيك .
القطة المشمشية
القطة المشمشية … حلوة بس شقية
نطت حتة نطة … خطفت ورك البطة
سوسو زعلانة … هى أللى غلطانه
سابت النملية … مفتوحة شوية
أخص عليكى يا قطة … يا قطة يا شقية .
الأرقام
واحد هو ربى … اثنين بابا وماما
ثلاثة هم أخواتى … أربعة هم أصحابى
خمسة صوابع ايدى … ستة أقوم من نومى
سبعة اروح مدرستى … ثمانية أدخل فصلى
تسعة اكتب درسى / وقفة عرفه … عشرة يوم العيد / يسقفوا لى .
الأرقام 2
واحد .. أثنين
شفت مرة ولد مسكين
ثلاثة .. أربعة
كانت هدومة مقطعة
خمسة .. ستة
جبت له من عندى جاكته
سبعة .. ثمانية
يبقى أحلى واحد فى الدنيا
تسعة .. عشرة
يا بخت أللى يساعد الفقراء
الله العظيم
إن شكرتم أى فضل …. فاشكروا الله الكريم
او رجوتم اى خير…. فأسألوا الله العليم
أو طلبتم دفع شر…. فأسألوا الله الرحيم
أو تعبتعم او غضبتم …. فأذكروا الله الحليم
وأسجدوا لله دوماً …. إنه رب عظيم
