بسم الله
بسم الله بسم الله … أحلى كلام أتعلمناه
قبل ما نأكل قبل ما نشرب … لازم نذكر اسم الله
قبل ما نجرى قبل ما نلعب … لازم نذكر اسم الله .
رمضان
يارمضان يارمضان شهر البركة والاحسان
فيك كلنابنصوم ونصلى ونقعد نقرا القران
يا رمضان يارمضان شهر البركة والاحسان
ثلاثين يوم بنزكى وندعى والكل بنورك فرحان
يارمضان يارمضان شهر البركة والاحسان
ساعة الفطار ناكل ونحلى وفانوس ناخده ونجرى كمان
يارمضان يارمضان شهر البركة والاحسان
السمكة
اناعندى سمكة شقية بتحب تعوم فى المية
لوخرجت منها شوية مش هتعيش مية المية
البطة
كان فى بطة عليها القيمة قالت عايزة اروح السيما
خدت الشنطة ونطت نطة شافت نفسها اجمل بطة
جدو قابلها جة وحذرها
قالها حاسبى ده ديل القطة مستنية هتاكل البطة
بطة شقية لا وذكية
ربطت طوبة فى ديل القطة كل ما تجرى تقول
اه يا ديلى انا حرمت وهديت حيلى
النظافة
بابا وماما قالوا زمان النظافة من الايمان
وانا بحب البطة كوكو من نظافتها قصاد الكل
تغسل ريشها وتوريكو انها بيضة وزى الفل
النظافة
بندق … بندق …أخر شقاوة ….مامته تنظف … يرمى زبالة
عيب يا بندق … فى الصندوق … دى النظافة من الإيمان .
النظافة
قبل الأكل اغسل أيدية … أغسلهم بصابونة وميه
بعد الاكل أغسلهم تانى … وأغسل بقى كمان وسنانى
العصفورة
انا العصفورة اللى بغنىوبقول صوصو
احب ارفرف بجناحى واطير فى الجو
بحب اصحابى وكل اخواتى
واحب ارتب كل حاجاتى
جنينة الحيوانات
يا جنينة الحيوانات
ياسكر يا نبات
فيكى الفيل ابو زلومة زلومة
وكمان فيكى البغبغنات
يا جنينة الحيوانات
مامى الحلوة
مامى الحلوة يارب تعيش
حضنها دافى وغيرها مليش
غنوا معايا وقولوا ورايا
من غيرها الدنيا ماتمشيش
مامى الحلوةيارب تعيش
قلبى بينده ويقول مامى
وقبل مااعوزها تكون ادامى
بتربينى وبتحمينى
ولو تعبانة ماتسيبنيش
مامى الحلوة يارب تعيش
اجمل نعمة واحلى هدية
تدى الحب معاه حنية
بتعلمنى وتفهمنى
انا من غيرها مااساويش
مامى الحلوة يارب تعيش
الصباح
انا بصحى الصبح بدرى اغسل وشى وسنانى
وافتح شباكى واصلى ولازم ارتب مكانى
مامى تجيب لى الفطار
وافطر زى الشطار
بعد مااخلص فطورى
لازم وكمان ضرورى
اجرى على مدرستى علشان الحق طابورى
الصباح
كل يوم أصحى الصبحية …. بدرى خالص فى الفجرية
أغسل وشى وأسرح شعرى …. وأصلى الفرض أللى عليه
الخضروات
احنا الخضروات
طعمنا زى الشربات
جوانا الفيتامين وكما ن البروتين
مين عايز ياكل مين ؟
ماهو احنا الخضروات
