مجزرة اسيوط

محمد جمال "أولى رابع".. رحل التلميذ وبقيت كراسته تشكو قضبان القطار
==========================================
"محمد جمال شحاتة 1/4 لغة عربية". الاسم والصف والمادة، خمس كلمات مدونة على بطاقة تعريف "تيكت" لصق على غلاف كراسة، هى كل ما تبقى من سيرة الطفل محمد، 6 سنوات، التلميذ بالصف الأول الابتدائى بمعهد النور الأزهرى في أسيوط.

رحل محمد، وبقيت بعض أدواته المدرسية، ممزقة تمامًا كأشلائه التى تناثرت على
قضبان القطار. اختلط ندى الصباح الباكر بدماء الضحية على القضبان الباردة وحصى خط السكة الحديد.

فى الليلة السابقة للحادث، رفض محمد تناول عشائه، نكاية فى والدته التى "ناكفته" كثيرا لكتابة "واجبه المدرسي"، لكنه أصر على موقفه، حتى استجاب لرغبتها أخيرا وتناول عشائه أولا، ثم أحضر كراسته لكتابة "الواجب".

" نام يا حبة عيني وكراسة العربي على حجره ومكانش كتب الواجب"، تقولها والدته التي لم تتوقف دموعها منذ وقوع الحادث، "حملته إلى فراشه وقبّلته، صعب عليّ ومحاولتش أصحيه".

نوبة بكاء هستيري تسيطر على الأم، وهى تصرخ فى الحشود أمام مستشفى منفلوط العام، وتلوح بكراسة نجلها ليراها الجميع: "راح وسابها لي، نام ومكتبش الواجب، كان عارف إن خلاص معدش فيه مدرسة، ولا حد هيسأله ليه معملش الواجب". وتضم الكراسة إلى صدرها بقوة، ثم ترفعها لتقبلها: "قال لي وهو رايح المدرسة الصبح متزعليش مني يا ماما مش هعمل كده تانىي".. وصدق ضحية الإهمال "مش هيعمل أي حاجة تاني"

.[ندعوك للتسجيل في المنتدى أو التعريف بنفسك لمعاينة هذه الصورة]

متعيطيش بقا مانتي اللي صحتيني ...

وقمت الصبح بدري ولبست وفطرتيني

....وانتي اللي بسرعة بردو يوسنتيني وحضنتيني...

كان نفسي احضنك اكتر وانتي اللي استعجلتيني..

.قولتيلي يالا بسرعة ومش عايزة تأخريني.

..خدني الاتوبيس وخدني مطرح مايواديني..

.واتاري فاضل ثواني وتخلص سنيني..

.يا خسارة بقا كان نفسي تيجي تودعيني...

كان نفسي افضل جنبك يا امي لحد ماتشوفيني ..

.حاجة كبيرة انفع بيها ديني...

في الازهر اتعلمت ايات ربي تنجيني..

.في الجنه يا امي عايش بلعب ويا زميلي.

..ما هو برضو جه معايا مرضيش يخلينى ...

هلعب معاه ياامى لحد ماانتى تجينى ..

بعد عمر طويل وساعتها هتلاعبينى ...

والى هيجبلى حقى ربى الى حامينى ...

[ندعوك للتسجيل في المنتدى أو التعريف بنفسك لمعاينة هذه الصورة]

الباص مش هيعدى خلاص ..

ولا راح نتخانق عـ المصروف

أو حتى ندردش انا وانتى

يا حبيبتى الصبح بكام كلمه

ولا هتصحينى من النجمه

ولا هسمع كلمة ذاكر تانى

عشان عايزانى أطلع دكتور

ولا حضر أبدا أى طابور

ولا هكبر علشان أتشاقى

وأنط السور ..

ولا حتى هعاكس بنت جيران

وأبعت جوابات

انا عيل قبل ما يتعلم ..

يحلم
..
.
.
.

كان " مات