ملف خاص بالدجاج

اولادى بيحبوا الدجاج جدا جدا
ويتمنوا ياكلوه كل يوم من ايام الاسبوع
ففكرت اجمع اكبر عدد من وصفات الدجاج
وسوف نبدا معا ان شاء الله
[ندعوك للتسجيل في المنتدى أو التعريف بنفسك لمعاينة هذه الصورة]

المقادير

بصله مبشوره / ملح / فلفل /3 فصوص حبهان /3 او 4 فصوص مستكه /2 ورق لاورو /جنزبيل بودر

الطريقة

نضع ماء فى حله مناسبه لحجم الفرخه و عندما يغلى نضع الملح و الفرخه و نشيل الريم او الزفر ان وجد حتى ينتهى نضع

البصل و الفلفل و الجنزبيل و المستكه و الحبهان و ورق اللاورو

وتترك حتى تنضج لايقل عن نصف ساعه حسب حجم الفرخه و عندما تنضج ننشلها من الشوربه او المرقه

ثم تحمر حسب رغبتكم

[ندعوك للتسجيل في المنتدى أو التعريف بنفسك لمعاينة هذه الصورة]
لعمل أصناف مختلفه من الفراخ
انا بشرح الفرخه بان اقسمها بالنصف ثم اخلى الصدر بالسكين أمشى بحذاء العظم هكذا نفصل الفص الفلتو الذى فى الصدر و ندقه لعمله بانيه و ندق الصدر و عليه الجلده لشويه و لو حنعمله بانيه أيضا نشيل الجلده و نقطعه ترنشات شبه الفلتو حتى تكون سهله فى عمل السندوتشات و التقطيع و أقسم الفخد بالنصف ثم أفصل الموزه لوحدها (ممكن نجمع الموز و نعمل بيهم صنف ) و أخلى العظم من عليهم و يدقوا أيضا بالجلده علشان الشوى (لو حنعملها شيش طاووق نشيل الجلده ) خلاص جهزنا الفراخ المخليه للبانيه و للشوى

العظام والاجنحه والرقبه

لا نرميهم حنعملهم شوربه بالطريقه السابقه وبعد النضج نفصصهم او نخلى الفصوص و نحمصها مع بصل و فلفل اخضر و بهارات و نحشى بها أجمل سامبوسك أو نعمل بيها سندوتشات بالكاتشب و المايونيز و الخص و الطماطم
بواقى الفصوص النيه و القطع الصغيره نحتفظ بيها فى الفريزر حتى تتجمع عندنا كميه نستغلها فى عمل اصناف جميله مثلا المكرونة بالفراخ بالباشميل ( النجرسكو)

» طاجن الأرز بالدجاج