بنت العجمى
Admin
عدد المساهمات : 589
تاريخ التسجيل : 07/07/2012
الموقع : الاسكندرية
 | | موضوع: حصريا فى رمضان .. اليوم العشرون الأحد يوليو 28, 2013 11:32 pm | |
| صينية الجمبري بالخضار وهريسة في عزومة20 رمضان*************** صينية الجمبري بالخضار
المقادير:
½ كيلو جمبري بالقشر
½ كوب صلصة طماطم
ثمرة بصل متوسطة مقطّعة شرائح رفيعة
2 ثمرة فلفل ألوان مقطّعة شرائح رفيعة
قرن فلفل حامي مقطّع شرائح رفيعة
ثمرة كوسة مقطّع شرائح رفيعة
ثمرة جزر مقطّعة شرائح رفيعة
2 ملعقة زيت زيتون
ملعقة صغيرة كمون
2 عود كرفس مفروم
ملعقة صغيرة زعتر
2 فص ثوم مفروم
ثمرة بطاطس
ملح وفلفل
الطريقة:
1- شوّحي البصل والثوم في ملعقة كبيرة زيت على النار لحد ما يبقى لونهم ذهبي، وبعد كده ضيفي عليهم الكرفس والزعتر وقلّبيهم مع بعض شوية على النار.
2- ضيفي الجزر والفلفل والبطاطس والكوسة والفلفل الحامي على البصل، وشوّحيهم مع بعض لحد ما الخضار يبقى نصف سوى.
3- بعد كده حطّي عليهم الجمبري، وتبّليهم بالملح والفلفل والكمون، وبعدين ضيفي عصير الطماطم، وقلّبيهم على النار لمدة 5 دقائق.
4- افردي ورق فويل في صينية، واقلبي عليه الجمبري بالخضراوات وضيفي عليهم ربع كوب ميه أو صلصة طماطم، وبعدين اقفلي الفويل عليه.
5- دخّلي الصينية في الفرن لمدة 10 دقائق، وبعدين طلّعيها واغرفي الجمبري في طبق التقديم. | |
|
بنت العجمى
Admin
عدد المساهمات : 589
تاريخ التسجيل : 07/07/2012
الموقع : الاسكندرية
| | موضوع: رد: حصريا فى رمضان .. اليوم العشرون الأحد يوليو 28, 2013 11:37 pm | |
| ***************هريسة
المقادير:
3 كوب دقيق سميد
كيس بيكينج باودر
2 علبة كبيرة زبادي
2 ملعقة كبيرة زبدة
كوب جوز هند
كوب سكر
فانيليا
للحشو:
مكسرات وجوز هند
الطريقة:
1- اخلطي دقيق السميد مع جوز الهند والسكر والفانيليا والبيكينج باودر، وقلّبيهم مع بعض كويس.
2- ضيفي عليهم الزبدة والزبادي واعجنيهم مع بعض لغاية ما تحصلي على عجينة متماسكة ولينة.
3- هاتي الصينية اللي هتعملي فيها وادهنيها بطبقة خفيفة من الزبدة، وافردي فيها نصف كمية العجينة وراعي إن سطحها يكون متساوي.
4- وزّعي خليط جوز الهند والمكسرات في الصينية، و بعدين غطّيها بباقي كمية العجينة، وساوي السطح بإيدك.
5- دخّلي الصينية في فرن ساخن وسيبيها لمدة من 20 : 30 دقيقة لغاية ما وشها يبقى ذهبي وتستوي من جوه، وبعد كده طلّعيها واسقيها بالشربات البارد.
6- لتحضير الشربات؛ اخلطي ½2 كوب من السكر مع 3 كوب من الميه وسيبيهم يغلوا على النار وضيفي عليهم عصير الليمون والفانيليا، وسيبيهم لغاية ما الشربات يتقل، وبعد كده ارفعيه من على النار وسيبيه يبرد. | |
|
